Lumpeseckel un Hugedubel
Die Kolumne zum Wochenende gibt's heute mal wieder Alemannisch - und ausnahmsweise mal nicht heiter.
Jesses nai, s isch kum zum Glaube, was d Lit alles glaube. D Mondlandung häb mer nu im Filmstudio inszeniert, die Abgasfahne vu de Flugzeug wäre Chemiewolke, mit dene dunkle Mächt d Mensche vegifte welle, s Impfe sei bloß dezue do, dass d Lit krank un d Pharmaindustrie reich wurd, un d Flüchtling nämme de Einheimische d Arbeitsplätz weg. Au do bi uns im Kinzigtal hät mer schu vezellt, Flüchtling häbe im Supermarkt klaut und s Landratsamt häb die Strof übernomme, dass mer sie net veklage duet.
Alles vestunke und veloge. Etz git’s drei Sorte vu Mensche. Die eine hän in de Schuel ebbs mitkriegt, sin net uf de Kopf gfalle un dezue au no aständig: Die glaube so e Saich eifach net un vezelle’s schu gar net witer. Un wenn si ä Arsch in de Hos hän, no stelle sie sich degege un sage lut, was des fir ä granatemäßige Schissdreck isch.
Dumm wie Bohnestroh
Un no git’s selli, wo alles glaube, was ene grad in de Krom basst un des möglichscht denn au uf alle Kanäl so wit wie möglich vebreite. Bacheli, dumm wie Bohnestroh. Un denn git’s die hinterfotzige Lumpeseckel, wo die Dummköpf vor ihre Karre spanne un solchi Nochrichte erfinde bloss zum Zünsle – un wo sich ebbes devu vespreche, wenn denn d Lunte brennt.
Grad hämmer wieder zwei Landtagswahle gha, wo die Zünsler ä ganze Huffe Hugedubel dezue brocht hän, dert ihre Krizle zmoche, wo’s ä gschiide un aständige Mensch niemols mache dät. D Lit an de Nas rum zführe war schu immer guet zum Ufriede stifte un Gräbe schufle.
Zum ä Hennehut kriege
S isch zum ä Hennehut kriege, was uf de Welt grad alles hinderschi goht. Iberall hät mer des Gfüehl, es goht alles wieder Richtung Mittelalter. Die Woch hät dpa gmeldet, in Amerika häb ä katholische Schuel d Harry-Potter-Bücher rusgschmisse. De Schuelleiter häb em zuständige Exorzischd glaubt, dass die Zaubersprüch in dem Buech echt wäre und bim Läse böse Geister beschwöre kennte.
S duet mer leid, dass es dies mol nix wurd mit dem »scheene Wucheend«. Himmelsakrament, mir goht immer meh d Muffe, dass mer irgendwenn wieder afangt, Hexe z vebrenne. Bevor s so wit isch, hock i uf de Bäse und hau ab. Bloß – wohi au?